من طرف طفل غريق مابين الموج
عاش وسؤاله امتى نفوق!
عاش الخوف بعيد عن قلبه
عاش فى قلبه بس الشوق
شوق لرفع راسنا لفوق
شوق مابعد شوقه دة شوق
شوق لنصر مابين اركان
كان فيها هناك مخنوق
نسينا قلوبنا مابين النار
نسينا احلام بالخوف تنهار
كانت دايماً ورا الستار
وقالولنا مفيش غير الانتظار
هربنا ونسينا نبص لفوق
وفضل الفكر يا ناس مشنوق
بس لأمتى نكون ساكتين؟!
لأمتى نعيش مابين تايهين ؟
لامتى نخاف من المنحدر
امتى نعيش زى البشر
امتى نلاقى فينا شجاع
امتى نشوف فينا منتظر
ظهر خلاص مابيننا وقام
قال دى لحظة الانتقام
لازم اخد حق اخواتى
لازم اعرف يوم انام
والا القلب يموت م الخوف
ويعيش الحب يا ناس ملهوف
ونعيش كدة فى قلنا وقالوا
ونحكى حكاية مجد قديم
نقول اجدادنا كانوا وكانوا
ونعيش نستنى صلاح الدين
نكون مابين الدار والنار
نكون فى غنانا يا ناس مساكين
امتى نمسك بإيدنا نجوم
امتى الحق يهب يقوم
امتى تانى يقوم منتظر
يرسم لنا بإيده رسوم
لفجر جديد ..حياة وشروق
لليل مافيهوش قمر مخنوق
تعالى ياخويا نعيش فى هدوء
لحد ما نعرف امتى نفوق
......تحياتى.......